Нодирбек Prague Chess Festival чемпионлигига яқин

Дунёнинг кучли гроссмейстерларини ўзида жамлаган мусобақа "Masters", "Challengers" ва "Futures" гуруҳларида ташкил этиляпти. Қувонарлиси, "Challengers" гуруҳида қатнашаётган Нодирбек Якуббоев чемпион бўлишга яқин турибди. 

Ҳамюртимиз 8-тур учрашувида қора доналарда ўйнашига қарамай, чехиялик Ричард Сталмачни мағлубиятга учратиб, 6,5 очко билан турнир жадвалида якка пешқадам бўлиб олди. Иккинчи ўринни эгаллаб турган даниялик Йонас Бьерре ҳисобида 6 очко бор. Франциялик Маруицци Марк`Андриа 5 очко билан кучли учликка якун ясаган. 

Бугун сўнгги 9-тур учрашувлари ўтказилади. Нодирбек оқ доналарда Вацлав Финекка қарши баҳс олиб боради. Сўнгги тур бизнинг вақт билан соат 15:00да бошланади. "Challengers" гуруҳи ғолиби кейинги йил учун "Masters" гуруҳи йўлланмасини қўлга киритади.