Нодирбек Якуббоев Prague Chess Festival турнири чемпиони!

Дунёнинг кучли гроссмейстерларини ўзида жамлаган мусобақа "Masters", "Challengers" ва "Futures" гуруҳларида ташкил этилди. Мусобақанинг "Challengers" гуруҳида ҳамюртимиз Нодирбек Якуббоевнинг қатнашаёгани ва у чемпионлик учун жуда яқин тургани ҳақида хабар берган эдик.

Қувонарлиси, ёш гроссмейстеримиз якунда "Challengers" гуруҳи ғолибига айланди. У бош соврин билан бирга келаси йили турнирнинг кучлилар жам бўлган "Masters" гуруҳида қатнашиш ҳуқуқини ҳам қўлга киритди. 

Якуббоев сўнгги 9-турда оқ доналарда Вацлав Финек билан дуранг ўйнади. Бундан эса унинг энг яқин таъқибчиси даниялик Йонас Бьерре фойдаланиб қолди. У ғалаба эвазига очколарини Нодирбек билан тенглаштириб олди. Натижада чемпион номини қўшимча тай-брек аниқлаб берди. Биринчи партияда шахматчимиз муқаррар мағлубиятни дурангга айлантирди. Иккинчи партияда эса рақибини чиройли тарзда таслим этди.