02 ноя 15:26
Янгиликлар

Бокс/ММА

Нодиржон Мирзаҳмедов қозоғистонлик боксчига қарши жанг олдидан: "Масъулиятни ҳис қилиб турибман"

Бугун Сербиядаги жаҳон чемпионатида чорак финал жанглари ўтказилади.

Боксчиларимизнинг бугунги иштирокини -48 кг вазнли боксчимиз Нодиржон Мирзаҳмедов бошлаб беради. Биз бугунги жанг олдидан боксчимизнинг фикри билан қизиқдик.

"Бугунги қозоғистонлик рақибим тажрибали боксчи ҳисобланади. У билан аввал ҳам тўқнаш келганман.

Олдимдаги масъулиятни ҳис қилиб турибман. Бу мен учун дастлабки жаҳон чемпионати ҳисобланади ва олдимда пайдо бўлган имкониятдан максимал равишда фойдаланмоқчиман.

Жангим орқали ўзбекистонлик бокс мухлисларини хурсанд қилиш истагидаман. Насиб қилса, мураббийларим кўрсатмаларини тўлиқ бажараман ва ғалаба қозониб, Ўзбекистонга олтин медаль билан қайтаман", - деди Нодиржон Мирзаҳмедов.