15 июн 07:06
Янгиликлар

Теннис

Ноттингем. Каролин Гарсия 1/2 финалда

Буюк Британиянинг Ноттингем шаҳрида теннис бўйича майса мавсумининг илк WTA турнири давом этмоқда.

Дунёнинг 28-ракеткаси Каролин Гарсия иродали ғалаба эвазига мусобақанинг ярим финалига йўл олди. Франциялик теннисчи WTA рейтингида 211-ўринни эгаллаб турган руминиялик Елена Габриэла Рузни 4/6, 7/6(3), 6/1 ҳисобида мағлуб этди.

Теннисчилар кортда 2 дақиқаси кам 2 соат ҳаракат қилишди. Бу икки теннисчининг ўзаро илк учрашуви эди. Энди 25 ёшли Гарсия Nature Valley Open Nottingham турнири ярим финалида америкалик Женнифер Брэдига қарши кортга чиқади.