Новак Жокович: "Бу менинг сўнгги финалим бўлиши ҳам мумкин"

"36 ёшдаман, шу сабабли "Катта Дубулға"нинг исталган финали мен учун охиргиси бўлиши мумкин. Шунинг учун ҳозирги "Дубулға"ни ютиш 10 йил олдингисидан кўра муҳимроқ. 10 йил олдин ҳали фаолиятим олдиндалигини билардим, ҳозир эса яна қанча ўйнашимни, неча мавсум теннисда бўлишимни билмайман.

Балки бу турнирни ютган энг ёши катта теннисчи бўларман, бироқ бу финалга бошқа ўйинлардаги каби тайёрланиб келаман. Унда ғалаба қозонишни истайман. Бу фақатгина финал бўлгани учунгина катта ўйин эмас, балки, бу рақибга сўнгги марта "Дубулға" финалида имкониятни бой берганим учун ҳам катта ўйин бўлади. Даниил мени 2021 йилги US Open финалида мағлуб қилганди. Тан олиш керак, у ўшанда энг яхши ҳолатида бўлиб турганди. Ҳозир эса мен яхши ҳолатдаман, имкониятларим ўзимга ҳам ёқяпти", - деди Жокович.