19 июн 08:13
Янгиликлар

Теннис

Noventi Open. Рожер Федерер муваффақиятли старт олди

Германиянинг Галле шаҳрида теннис бўйича нуфузли Noventi Open турнирининг асосий тўр баҳслари давом этмоқда.

Дунёнинг учинчи ракеткаси Рожер Федерер мусобақанинг илк даврасида ғалабага эришди. Швейцариялик теннис юлдузи рейтингнинг 57-поғонасини эгаллаб турган австралиялик Жон Миллманга қарши кортга чиқди.

Федерер 1 соату 17 дақиқа давом этган баҳс якунида рақибини 7/6(1), 6/3 ҳисобида мағлуб этди. Энди Рожер Галле турнирининг иккинчи даврасида франциялик Жо-Вилфрид Цонгага қарши баҳс олиб боради.