Нукусда белбоғли кураш бўйича Ўзбекистон чемпионати ўтказилди

Ўзбекистон Республикаси Туризм ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионат баҳсларида Қорақалпоғистон Республикаси, Тошкент шаҳри ва барча вилоятлардан 300 нафардан ортиқ ёш полвонлар иштирок этишди. 

Мусобақада ўғил болалар белбоғли кураш ва эркин йўналишларида 11 та вазн тоифасида ўзаро куч синашишган бўлишса, қизлар эркин йўналишда 7 та вазнда ғолиблик учун кураш олиб боришди.

Чемпионат регламентига кўра мусобақанинг биринчи кунида ўғил болалар белбоғли кураш йўналишида 27, 30, 33, 36, 40, 44, 48, 52, 55, 60, + 60 кг. вазн тоифаларида, қизлар эса эркин йўналишида 33, 36, 40, 44, 48, 52, +52 кг. вазнда ғолиблик йўлида курашган бўлишса, иккинчи кун ўғил болалар эркин йўналишда худди белбоғли кураш йўналишидаги сингари вазн тоифаларда беллашишди.

Якуний натижаларга кўра, қуйдаги ёш полвонлар ўз вазн тоифаларида ғолибликни тантана қилишди.

Ўғил болалар. Белбоғли кураш йўналиши:

27 кг. Зайнобиддин Собиров (Наманган), 30 кг. Шохруҳ Жўраев (Андижон), 33 кг. Абдумажид Ҳусанбоев (Андижон), 36 кг. Азизбек Орифжонов (Фарғона), 40 кг. Рамзиддин Абдулхамидов (Андижон), 44 кг. Арсен Алиризаев (Тошкент в.), 48 кг. Аҳлиддин Маматкаримов (Андижон), 52 кг. Саидислом Сайджалолов, 55 кг. Муҳриддин Умаров (Фарғона), 60 кг. Байишбек Маматалиев (Андижон), +60 кг. Иқболжон Рўзибоев (Андижон)

Қизлар. Эркин йўналиш:

33 кг. Жасмина Мамуржонова (Фарғона), 36 кг. Шаббона Насриддинова (Навоий), 40 кг. Баҳора Бердимуродова (Навоий), 44 кг. Анелия Турдибаева (Қорақалпоғистон), 48 кг. Жанат Боранбай (Қорақалпоғистон), 52 кг. Шодиёна Тўйчибаева (Наманган), + 52 кг. Дилнурахон Аҳмаджонова (Фарғона).

Ўғил болалар. Эркин йўналиш:

27 кг. Санжарбек Ҳошимжонов (Фарғона), 30 кг. Жасурбек Ботиров (Андижон), 33 кг. Муҳриддин Қувватов (Самарқанд), 36 кг. Ерлан Қаллибеков (Қорақалпоғистон), 40 кг. Илҳомжон Отажонов (Фарғона), 44 кг. Улуғбек Раҳмоналиев (Фарғона), 48 кг. Мухибуллох Садирдинов (Андижон), 52 кг. Акромжон Ҳикматов (Бухоро), 55 кг. Алишер Тўхтасинов (Наманган), 60 кг. Шохруҳ Маҳмуджонов (Фарғона), + 60 кг. Асадбек Эминжонов (Навоий).

Кучли учликдан жой спортчилар диплом, медаль ва эсдалик совғалари билан мукофотланишди. 

- Қорақалпоғистон Республикаси Туризм ва спорт бош бошқармасига, Ўзбекистон белбоғли кураш федерациясига, умуман барча ҳамкор ташкилотларга мусобақани юқори савияда ўтганилиги учун миннатдорчилик билдирамиз, - дейди,олимпия ва миллий спорт турлари бўйича Нукус шаҳар олий маҳорат мактабининг белбоғли кураш бўйича бош мураббийи Бокенбай Садуакасов. – Терма жамоамиз кучли полвонлар қаторидан жой олишга муваффақ бўлишди. Якунланаётган ушбу йилда шогирдларимиз жаҳон чемпионатларида кўплаб муваффақиятларга эришди. Мақсадимиз, кейинги йилда ҳам халқаро мусобақаларда совринларни қўлга киритиш бўлади.  

Илҳом РАҲМОНОВ тайёрлади