NUR-HAS karate markazi тарбияланувчилари АҚШ, Япония ва Мўғулистондаги мусобақаларда иштирок этади

Жумладан, Мутал Назаровнинг ўзи АҚШнинг Лас-Вегас шаҳрида ўтказиладиган 5 th American Full Contact Karate championship мусобақасида юртимиз шарафини ҳимоя қилади. Шу мусобақа якунланганидан кейин бир ҳафта давомида Америка Қўшма Штатлари каратэчилари билан ҳамкорликда қўшма семинарлар ўтказилади. 

NUR-HAS karate markazi тарбияланувчилари эса 27-28 сентябрь кунлари Мўғулистон пойтахти Улан-Батор шаҳри мезбонлик қиладиган фуллконтакт каратэ бўйича Марказий Осиё Очиқ чемпионатига тайёргарлик кўришмоқда. 

Куни кеча Наманган вилоятининг Косонсой шаҳрида ушбу мусобақада қатнашадиган спортчиларни аниқлаш мақсадида саралаш турнири ташкил этилди. Наманган вилояти бош мураббийи Шамсиддин Эшонов шу мусобақа олдидан қора белбоғ 1-ДАН соҳиби бўлгани маълум бўлди. Унга махсус сертификат ва қора белбоғ Япониянинг Токио шаҳридан келади. 

Кейинги манзил октябрь ойида айнан Токио шаҳрида ташкил этиладиган 56-Япония Очиқ чемпионати! NUR-HAS каратэ марказининг асосий мақсади ёшлар келажагини спорт ютуқлари орқали намойиш этиш ва Ватанимиз шаънини халқаро мусобақаларда муносиб ҳимоя килишдан иборат.