04 дек 07:43
Янгиликлар

Сув спорти турлари

Очиқ сувда сузиш бўйича 2024 йилги Жаҳон кубоги тақвими эълон қилинди

2024 йилги очиқ сувда сузиш бўйича Жаҳон кубоги серияси уч қитъанинг бешта мамлакатида ўтказилади.

Мавсум 2024 йилнинг 23 март куни Мисрнинг Сома кўрфазида бошланади. Иккинчи босқич баҳслари эса 25-26 май кунлари Гольфо Аранси (Италия) қирғоқларида ўтказилади.

Учинчи босқич Португалиянинг порт шаҳри - Сетубалда ташкил этилади. Жаҳон кубогининг тўртинчи турига Гонконг мезбонлик қилади. Финал босқичи эса Эилат (Исроил) кўрфазида ташкил этилиши режалаштирилган.