21 фев 21:50
Янгиликлар

Бокс/ММА

Оғир атлетикачи ва блогер ўртасидаги жанг тўлиқ давом этди ФОТОГАЛЕРЕЯ

Россия Федерацияси пойтахти Москва шаҳрида профессионал бокс кечаси ташкил этилди.

"Вегас Сити Холл" концерт залида ўтказилган бокс оқшоми доирасидаги қизиқарли жангларнинг бирида россиялик оғир атлетикачи, Баҳодирлар ўйинлари (стронгмен) иштирокчиси ҳисобланган Михаил Кокляев блогер Артём Тарасовга қарши рингга кўтарилди. Тўрт раундга мўлжалланган жанг тўлиқ давом этди ва якунда ҳакамлар Кокляевнинг ғалабасини эътироф этишди.

Маълумот учун, Михаил Кокляев 2019 йилнинг ноябрь ойида боксда ўз дебютини нишонлаганди. Ўшанда у машҳур MMA жангчиси Александр Емельяненкога биринчи раунднинг ўзида нокаут эвазига мағлубиятга учраган эди. Кечаги муваффақият 42 ёшли Кокляевнинг биринчи ғалабаси бўлди.