Олимжон Назаров Eliminator жангида рингга чиқади

WBO Oriental камари соҳиби бўлиб турган тажрибали чарм қўлқоп устамиз 10 сентябрь куни Японияда ташкил этиладиган бокс оқшомида фаолиятидаги муҳим жанглардан бирини ўтказади. Назаров (28-5) шу куни рейтингнинг биринчи поғонасидан жой олган япониялик Рику Кано (20-4-2)га қарши рингга читқади. 

Ушбу 12 раундлик баҳс Eliminator, яъни даъвогарлар жанги мақомида бўлади. Ғолиб боксчи чемпионлик камарига мажбурий даъвогарга айланади. Айни пайтда бу вазн тоифасида америкалик Жесси Родригез WBO чемпиони бўлиб турибди. 

Маълумот учун, Рику Кано Asia-Pacific камари соҳиби бўлиб, охирги 6 та жангининг 5 тасида ғалаба қозонган. Сўнгги жангини шу йилнинг 16 апрель куни ҳамюрти Дайки Камеямага қарши ўтказиб, дуранг қайд этган. Назаров эса 28 январь куни Сеул шаҳрида таиландлик 27 ёшли Жакравут Мажунгоенга (42-2-2)ни тўлиқ 12 раунд давом этган жангда очколар ҳисобига кўра (120-108, 120-108, 120-108) мағлуб этган эди.