Олимжон Назаров камар ҳимоя жанги учун Вьетнамга жўнаб кетди + ФОТО

WBO рейтингида 3-ўринни эгаллаб турган Назаров 30 июль куни Вьетнамнинг Вунг Тау шаҳрида Cocky Buffalo промоутерлик компанияси томонидан ташкил этилаётган профессионал бокс оқшомида WBO Oriental камарини ҳимоя қилади. Шу куни у 12 раундлик жангда филиппинлик Лигас Биенвенидога қарши рингга кўтарилади.

Маълумот учун, Лигас проф рингда 18 та жанг ўтказиб, 14 ғалаба, 2 дуранг ва 2 мағлубият қайд этган. Рақибларини 9 та жангда нокаутга учратган. Назаров эса 28 ғалаба (15 нокаут) ва 5 мағлубиятга эга бўлиб турибди. Назаров сўнгги жангида бошқа бир филиппинлик боксчи Жером Балорни 96-94, 96-94, 96-94 ҳисобларида мағлуб этган эди. 

30 июль кунги оқшомда яна бир боксчимиз Абдулазизбек Нажмиддинов (9 ғалаба, 7 нокаут) ҳам ўз жангини ўтказади. Унинг 8 раундлик жангдаги рақиби индонезиялик Риво Кундиманг (9 ғалаба (5 нокаут), 3 мағлубият, 2 дуранг) бўлади.