Оливейра Махачев вазн тоифасини ўзгартирганига муносабат билдирди

"Менимча, у енгил рақиб танлагани йўқ. Ҳамма муаммо вазн ҳайдашда деб ўйлайман. Бу ҳолатни мен икки марта кўрганман. Биз бир хил турнирда иштирок этганмиз ва вазн ташлаётганида уни кузатганман – бу жуда оғир жараён эди. Жума кунги вазн ўлчашда у бутунлай "ўчиб қолишга" яқин турганди. Кўпчилик унинг вазнга тушиши жуда оғир кечаётганини айтган. У жангда ўзини яхшироқ ҳис қилишни хоҳлайди ва шу сабабли юқори вазнга ўтди.

Ярим ўрта вазнда у янада хавфли ва кучли жангчига айланади. Унинг зарба техникаси ривожланмоқда, жуда кучли кураши бор. Бу жуда қизиқ жанг бўлади. Рақиби жиддий, яхши ҳаракатланади ва танасига яхши зарбалар беради — биз бундай ҳаракатларни Билолга қарши жангда кўрганмиз.

Лекин бу спортнинг бир қисми. Чемпион бўлиш учун энг яхшилар билан жанг қилиш керак. Фақат шу йўл бор", – деди Оливейра MMA Today нашрига.