"Олтин ҳуштак" соҳиби Тоҳир Ғуломовни табриклаймиз!

Тоҳир Ғуломов 1961 йил 3 октябрь куни таваллуд топган. Тоҳир ака фаолияти давомида Пекин ва Рио Олимпия ўйинлари, жами 23 та жаҳон чемпионати, 22 та Осиё чемпионати, 6 та Осиё ўйинларида ҳакамлик қилган.

Халқаро турнирлар сонини бугунги қаҳрамонимизнинг ўзи ҳам билмаса керак. Тоҳир Ғуломов 2014 йилги жаҳон чемпионатининг энг яхши рефериси деб топилиб, “Олтин ҳуштак” соҳибига айланган.

Шуннигдек, “Миллий спорт мукофоти-2019” танловида “Йилнинг энг яхши ҳаками” номинациясида ғолиб бўлган.

Фурсатдан фойдаланиб, Ўзбекистон Спорт курашлари ассоциацияси раҳбарияти, мураббийлар, ҳакамлар ва курашчилар номидан Тоҳир Ғуломовни бугунги шукрона кунлари билан муборакбод этамиз. Уларга узоқ умр, сиҳат-саломатлик, оилавий хотиржамлик, фарзандлар ва набиралари роҳатини узоқ йиллар давомида кўриб юришларини тилаймиз.