27 ноя 08:09
Янгиликлар

Бокс/ММА

Омельянчукни нокаут қилган Жонсон чемпионлик камарига эга чиқди

Польшада аралаш яккакураш қоидалари бўйича Absolute Championship Akhmat турнири бўлиб ўтди.

АСА 114 оқшомининг марказий баҳсида собиқ UFC жангчиси Даниэль Омельянчук америкалик Тони Жонсонга қарши октагонга кўтарилди. Жанг оғир вазндаги чемпионлик камари учун кечди.

Беш раундга мўлжалланган жанг муддатидан аввал якунланди. Жонсон биринчи раунднинг ўзида рақибини нокаутга учратиб, оғир вазн чемпионлик камарини қўлга киритди.

Маълумот учун, Даниэль Омельянчук ҳисобида 24 ғалаба ва 10 мағлубият бор. Польшаликнинг 4 та жангдан иборат ғалабали серияси якун топди. Тони Жонсон эса ўзининг 14-ғалабасини тантана қилди. Мағлубиятлари сони эса - 5 та.