19 фев 07:28
Янгиликлар

Теннис

Омонмуродова Германия турнирининг саралашидаёқ ютқазди

Германиянинг Алтенкирхен шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада тажрибали теннисчимиз Оқгул Омонмуродова ҳам ўз имкониятини синовдан ўтказди. Ҳамюртимиз рейтингдаги ўрнига кўра иштирокини саралаш баҳсларидан бошлади.

Афсуски, Омонмуродова саралашнинг биринчи босқичидаёқ саккизинчи рақам остида таснифланган руминиялик Андре Лаура-Иоанага ютқазиб қўйди. Бир соату 31 дақиқа давом этган баҳсда руминиялик теннисчи 6:1, 3:6, тай-брекда 10:8 ҳисобида ғалаба қозонди.