03 мар 15:18
Янгиликлар

Бокс/ММА

ONE Championship'даги ўзбекистонликлар сони яна икки нафарга ошди, бугун улар дебют жангини ўтказишади

Шаҳриёр Жўраев ва Маъмуржон Ҳамидов ONE FC билан шартнома имзолади.

Бугун Таиланд пойтахти Бангкок шаҳрида муай-тайга асосланган ONE Friday Fights 7 мусобақаси бўлиб ўтади. Эътиборлиси, мазкур мусобақа доирасида икки нафар ҳамюртимиз ҳам лигадаги дебют жангини ўтказади.

Иккала ҳамюртимиз ҳам мусобақанинг прелим кардида жанг қилади. Энг енгил вазнда ММА мусобақаларида иштирок этиб келган Шаҳриёр Жўраев (3-1) бугун таиландлик Самингдам Луксуанга (0-1) қарши чиқади.

Бундан ташқари, яна бир ҳамюртимиз — Маъмуржон Ҳамидов (3-0) ҳам бугун ONE Championship лигасидаги дебют жангини ўтказади. Унга эронлик Араш Мардани (1-1) рақиблик қилади.

Маълумот учун, мусобақа Тошкент вақти билан 17:30 да бошланади ва One Championship YouTube каналида трансляция қилинади.