09 май 16:04
Янгиликлар

Теннис

Осака чемпионлик учун курашни давом эттирмоқда

Сайёрамизнинг биринчи рақамли теннисчиси Наоми Осака Мадрид турниридаги ғолибона юришини давом эттиряпти.

Япониялик теннисчи мусобақанинг учинчи давра учрашувида беларуслик Александра Сосновичдан устун келди. Осака 1 соату 23 дақиқа чўзилган баҳс якунида WTA рейтингининг 33-поғонасидан жой олган рақибасини 6/2, 6/3 ҳисобида енгди.

Энди 21 ёшли Осака Mutua Madrid Open турнирининг чорак финалида украиналик Катерина Козловадан устун келган швейцариялик Белинда Бенчичга қарши кортга чиқади.