Осиё чемпионати: 7 нафар боксчимиз финалда, 3 нафари эса бронза билан кифояланди

Ушбу саҳифа орқали ўзбекистонлик боксчиларнинг натижаларидан хабардор бўлишингиз мумкин бўлди. 

Ярим финал якунларига кўра, 7 нафар боксчимиз ғалаба қозониб, финалга йўл олди. 3 нафар вакилимиз эса бронза билан кифояланади. 

-54 кг: Шаҳзод Музаффаров - Маҳмуд Сабирхан (Қозоғистон) (мағлубият)

-60 кг: Атҳамжон Муҳиддинов - Баярҳуу Буяндалаи (Мўғулистон) (мағлубият)

-67 кг: Асадхўжа Мўйдинхўжаев - Дулат Бекбауов (Қозоғистон) (мағлубият)

-75 кг: Саиджамшид Жафаров - Сумит (Ҳиндистон) (ғалаба)

+92 кг: Лазизбек Мулложонов - Нарендер (Ҳиндистон) (ғалаба)

-51 кг: Ҳасанбой Дўсматов - Ҳаркҳуу Энҳмандаҳ (Мўғулистон) (ғалаба)

-57 кг: Абдумалик Халаков - Гантумур Лундаа (Мўғулистон) (ғалаба)

-63,5 кг: Руслан Абдуллаев - Чу Эн Лаи (Тайпейи) (ғалаба)

-80 кг: Одилжон Аслонов - Омурбек Бекжигит улуу (Қирғизистон) (ғалаба)

-92 кг: Мадияр Саидраҳимов - Аҳмат Сулайман Ал-Теимат (Иордания) (ғалаба)

Финал жанглари 12 ноябрь куни ўтказилади. 

Кеча қизларимиздан 2 нафар боксчи финалга йўл олганди, 1 нафари эса бронза медалига эга чиқди. 

ТАФСИЛОТЛАР

-92 кг вазн тоифасида Мадияр Саидраҳимов иорданиялик Аҳмат Сулайман Ал-Теиматни мағлубиятга учратди ва финалга йўл олди! Еттинчи финал!

-80 кг вазн тоифасида Одилжон Аслонов қирғизистонлик Омурбек Бекжигит улууга қарши жанг қилди ва ғалаба қозонди! Яна бир финал!

-63,5 кг вазн тоифасида Руслан Абдуллаев Хитой Тайпейи вакили  Чу Эн Лаини ишончли тарзда 5:0 ҳисобида мағлубиятга учратди ва финалга йўл олди! Бешинчи финал!

-57 кг вазнли Абдумалик Халаков ҳам ярим финал жангини мўғулистонлик Гантумур Лундаага қарши ўтказди ва 5:0 ҳисобида ғалабага эришди. Йигитларимиздан тўртинчи финал!

-51 кг вазн тоифасида Ҳасанбой Дўсматов мўғулистонлик Ҳаркҳуу Энҳмандаҳга қарши рингга кўтарилди ва 5:0 ҳисобида ғалаба қозонди. ФИНАЛ! Навбатдаги рақиб - қозоғистонлик Сакен Бибосинов!

Кечки дастур жангларини бошлаймиз!

+92 кг вазн тоифасида Лазизбек Мулложонов ҳиндистонлик Нарендерга қарши жанг қилди ва 5:0 ҳисобида ғалаба қозонди!

-75 кг вазн тоифасида Саиджамшид Жафаров ҳиндистонлик Сумитни 5:0 ҳисобида мағлуб этди ва финалга йўл олди! Энди у финалда қозоғистонлик Нурканат Райисга қарши рингга кўтарилади. 

-67 кг вазнли Асадхўжа Мўйдинхўжаев қозоғистонлик Дулат Бекбауовга қарши жанг қилди ва афсуски 2:3 ҳисобида имкониятни бой бериб қўйди. Яна бир бронза...

-60 кг вазн тоифасида Адҳамжон Муҳиддинов мўғулистонлик Баярҳуу Буяндалаига қарши жанг қилди ва афсуски имкониятни бой бериб қўйди (1:4). Йигитларимизда иккинчи бронза!

-54 кг. Ўзбек боксчилари иштирокида куннинг дастлабки жанг Шаҳзод Музаффаров - Маҳмуд Сабирхан (Қозоғистон) тўқнашуви бўлди. Афсуски боксчимиз ушбу жангда 0:5 ҳисобида имкониятни бой бериб қўйди ва Осиё чемпионатини бронза медали билан якунлади. 

Баҳсларни УШБУ ЛИНК орқали жонли эфирда томоша қилишингиз мумкин.