Осиё чемпионати. Чулибоев олтин, 6 нафар эркин курашчимиз бронза учун гиламга чиқади

Бугун ўсмирлар ўртасидаги қитъа чемпионатининг сўнгги куни эркин кураш бўйича барча ғолиб ва совриндорлар номи маълум бўлади. Кечки финал дастурида 7 нафар эркин курашчимиз Осиё чемпионати медаллари учун гиламга чиқади. 

60 кг вазн тоифасида юртимиз шарафини ҳимоя қилаётган Жавоҳир Чулибоев 1/4 финалда эронлик Сажад Пирдайеҳни сўнгги қўлга киритилган балл (4-4) эвазига мағлуб этди. Ярим финалда ҳиндистонлик Сурабҳ Сурабҳдан 12-9 ҳисобида устун келди. Унинг Осиё чемпионлиги учун кечадиган баҳсдаги рақиби Билол Шарип уулу (Қирғизистон) бўлади. 

Қолган 6 нафар эркин курашчимиз кечки финал дастурида қитъа чемпионатининг бронза медаллари учун баҳсларга киришади. 

Осиё чемпионати. Финал дастури

Олтин медаль учун

60 кг: Жавоҳир Чулибоев - Билол Шарип уулу (Қирғизистон)

Бронза медаль учун 

45 кг: Беҳруз Қаландаров - Нурассил Ассамбек (Қозоғистон)

48 кг: Азиз Раҳмонов - Рамил Рассим (Қозоғистон)

51 кг: Аббосбек Қобилов - Азим Абдикаликов (Қирғизистон)   

55 кг: Ҳусанбой Усмонов - Йоко Ито (Япония)

92 кг: Шерзод Поёнов - Саҳил Жаглан (Ҳиндистон)

110 кг: Ҳикматулло Қурбонов - Рентсендаржаа Мунҳбаатар (Мўғулистон)