15 апр 16:23
Янгиликлар

Спорт курашлари

Осиё чемпионати. Жасмина олтин, Дилфуза ва Азода бронза медали учун гиламга чиқади

Шу кунларда Қозоғистоннинг Олмаота шаҳрида спорт курашлари бўйича катталар ўртасидаги Осиё чемпионати бўлиб ўтмоқда.

Қитъа чемпионатида аёллар кураши вакилалари баҳсларга киришишди. Бугун бешта вазн тоифасида ғолиб ва совриндорлар номи маълум бўлади. Ҳозирча финал беллашувларида уч нафар курашчи-қизимизнинг гиламга чиқиши маълум бўлиб улгурди.

Қувонарлиси, 50 кг вазнда юртимиз шарафини ҳимоя қилаётган Жасмина Иммаева Осиё чемпионатининг олтин медали учун қозоғистонлик Валентина Исламовага қарши гиламга чиқади. Жасмина финалга қадар кореялик Ким Жинни 4-2, тайпейлик Лин Юнг Хсунни 6-0, 1/2 финалда ҳиндистонлик Сима Симани 3-2 ҳисобида мағлубиятга учратди.

59 кг вазндаги курашчимиз Дилфуза Аймбетова бронза медали учун қирғизистонлик Нурайда Анаркулова, 68 килограммда эса Азода Есбергенова кореялик Жеонг Сунга қарши баҳс олиб боради.