Осиё чемпионати қаҳрамонлари пул мукофоти билан тақдирланишди + ФОТОРЕПОРТАЖ

Таиланд пойтахти Бангкок шаҳрида ўтган қитъа биринчилигида ўзбекистонлик дзюдочилар жами 29 та медални қўлга киритишган эди. Тоҳир Файзиев мураббийлигидаги ўсмирларимиз якунда 16 давлат орасида умумжамоа ҳисобида биринчи ўринни эгаллашган бўлса, Камол Муродов ва Искандар Расулов мураббийлик қилаётган ёшларимиз Осиёда иккинчи ўринни банд этишганди. 

Куни кеча Ўзбекистон дзюдо федерацияси томонидан Осиё чемпионати қаҳрамонлари бир пиёла чойга таклиф этилди. Ўзбекистон миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов мураббийлар, дзюдочилар, шифокорлар, умуман делегациянинг ҳар бир аъзосига пул мукофотларини тақдим этди. 

Ўз ўрнида дзюдочилар келгуси мусобақаларда ҳам Янги Ўзбекистоннинг ғалабаларига муносиб улуш қўшишга ваъда беришди.