Осиё футболи ҳақидаги баъзи қизиқарли маълумотлар

Савол: ОЧЛ тарихида гол урган энг ёш футболчи ким?

Жавоб: Супҳанат Муеанта. "Бурирам Юнайтед" футболчиси "Бейжинг ФК" дарвозасига тўп киритган маҳал 16 ёш, 8 ойлик бўлган. Бу ўйинда "Бурирам" 1:3 ҳисобида имкониятни бой берган. 

Савол: Бу қайси стадион?

Жавоб: Бу Хитойдаги "Workers’ Stadium" (Ишчилар стадиони) бўлиб, "Бейжинг ФК" уй учрашувларини ўтказади. Стадион сиғими 66 минг томошабинга мўлжалланган. 

Савол: ОЧЛда кетма-кет икки бор ғолиб чиққан клубни биласизми?

Жавоб: Бу Саудия Арабистонининг "Ал Иттиҳод" клуби бўлиб, 2004 йил "Сеонгнам Ильва Чунма", 2005 йил "Ал Айн" устидан зафар қучиб бош совринни қўлга киритган. 

Савол: ЖЧ-2018да Алиризо Бейранванд кимнинг пенальтисини қайтарган?

Жавоб: Эрон - Португалия баҳсида Криштиану Роналду амалга оширган 11 метрлик жарима зарбасини Бейранванд моҳирона қайтарганди.

Савол: Деян Дамьяновичнинг Осиёдаги фаолиятини кетма-кетликда санаб беринг.

Жавоб: Черногориялик ҳужумчи Дамьянович Осиёдаги фаолиятини 2006 йил Саудия Арабистонининг "Ал Иттиҳод" клубида бошлаган. Шундан сўнг у "Иньчон Юнайтед" (Жанубий Корея), "ФК Сеул" (Жанубий Корея), "Жиангсу" (Хитой), "Бейжинг" (Хитой), "Сувон Самсунг" (Жанубий Корея) клубларида ўйнаган. Ҳозир Жанубий Кореянинг бошқа бир жамоаси "Тэгу" аъзоси ҳисобланади.

Савол: 2022 йил аёллар ўртасидаги Осиё чемпионати қаерда ўтказилади?

Жавоб: Ҳиндистонда. Номзодлар орасида Хитой Тайпейи билан Ўзбекистон ҳам бор эди, бироқ ОФК якунда Ҳиндистон вариантини танлади.