26 мар 12:06
Янгиликлар
Бокс/ММА
Оскар Де Ла Хойя: "Ортис Мадримов билан Кроуфордга қараганда яхшироқ жанг қилди"
Таниқли промоутер Оскар Де Ла Хойя мижози, супер яримўрта вазнда WBC Interim чемпиони Виржил Ортиснинг собиқ WBA чемпиони Исроил Мадримов билан жанги ҳақида гапирди.
"Мен жуда ҳавотирда эдим. Ёмон аҳволдаги Кроуфорд билан жангидан кейин одамларнинг Мадримов ҳақида ўйлаганлари учун асабийлашдим. Одамлар: "Эй Худойим, Мадримов Кроуфордга қарши жуда яхши жанг қилди-ки, у Виржил Ортисни бемалол енгади", дейишарди.
Лекин биз бунинг тескарисини кўрдик. Ортис рингни қандай кесиб ўтишни биларди. Унинг рингни бошқариши Мадримовга нисбатан жуда яхши эди. Виржил Мадримов билан Кроуфорддан кўра яхшироқ жанг қилди", деди Де Ла Хойя.
Эслатиб ўтамиз, боксчилар ўртасидаги жанг 22 февраль куни Ар-Риёд шаҳрида бўлиб ўтган ва унда Виржил очколар ҳисобига кўра ғалаба қозонганди.
Ҳавола :
Манба : BoxingScene
Фикрлар