Остапенко Сан-Диего турниридаги иштирокини якунлади

Латвиялик теннис маликаси иккинчи даврада рейтингнинг 43-поғонасида бораётган америкалик Даниэль Коллинзга 6/2, 3/6, 4/6 ҳисобларида имкониятни бой бериб қўйди. Теннисчиларнинг ўзаро учрашувларида Коллинз илк ғалабасини тантана қилди - 1:2. 

Бир соату 49 дақиқа давом этган баҳсда Остапенко 4, Коллинз 5 та эйс зарбасини амалга оширган. Қўшхатолар Даниэлда деярли уч баробар кўпроқ бўлди - 11 га 4. Иккала теннисчи ҳам 6 тадан брейк қайд этган. Энди Коллинз 1/2 финал чиптаси учун франциялик Каролин Гарсияга қарши кортга чиқади.