23 фев 07:04
Янгиликлар

Дзюдо

OTP Group Tashkent Grand Slam 2026 стартига беш кун қолди

Теглар : Азизжон Камилов OTP Group Tashkent Grand Slam 2026

Ўзбекистон дзюдо федерацияси раиси Азизжон Камилов пойтахтимиз мезбонлигида ўтадиган "Катта Дубулға" турнирига тайёргарлик кўраётган терма жамоамиз аъзолари билан учрашди.

Учрашув давомида дзюдочиларимизнинг тайёргарлик жараёни, жисмоний ва руҳий ҳолати, шунингдек, мусобақа учун қўйилган асосий мақсад ва вазифалар муҳокама қилинди.

Азизжон Камилов терма жамоанинг ҳар бир аъзосига катта ишонч билдириб, уларни юртдошларимиз кўз ўнгида ўтказиладиган муросасиз беллашувларда муносиб иштирок этишга чақирди.

Эслатиб ўтамиз, ўз тарихида бешинчи бор ташкил этилаётган OTP Group Tashkent Grand Slam 2026 турнири 27 февраль - 1 март кунлари пойтахтимиздаги муҳташам "Ҳумо Арена" спорт мажмуасида ўтказилади. Ўзбекистон мезбон сифатида энг кўп - 56 нафар (ҳар бир вазнда 4 нафардан) спортчи билан иштирок этади.