08 янв 10:47
Янгиликлар

Хоккей

Овечкин 992-шайбасини киритди, афсонавий Гретцкининг рекордига 24 та гол қолди

Россиялик 40 ёшли "Вашингтон Кэпиталз" афсонаси Александр Овечкин Миллий Хоккей Лигасидаги навбатдаги голини киритди.

Бугун пойтахтликлар ўз майдонларида "Даллас Старз" клубини қабул қилиб, бироз кутилмаганда 1:4 ҳисобида имкониятни бой беришди. "Кэпитал Уан-Арена"да ўтган ўйинда Овечкин жамоасининг ягона голига муаллифлик қилди. У 58-дақиқада "Даллас Старз" дарвозасини ишғол қилди. Бу унинг МХЛ плей-офф ўйинларини ҳам ҳисоблаганда 992-голи бўлди.

Александр Овечкиннинг плей-офф ўйинларини ҳисобламагандаги голлари сони 915 тага етди. Умумий 992 та голидан 77 тасини Стэнли Кубоги доирасида рақиб дарвозаларига жойлаган. Овечкин бу борада МХЛ тарихида иккинчи ўринни эгаллаб турибди. Канадалик афсонавий хоккейчи Уэйн Гретцки бу борада мутлақ рекордчи. Гретцки ҳисобида умумий 1016 та гол бор – 894 тасида Мунтазам чемпионатда, 122 таси плей-оффда.