09 окт 15:45
Янгиликлар
Бокс/ММА
Ўз вақтида Алекс Перейрани мағлуб этган Артём Вахитов UFC билан шартнома имзолади
33 ёшли россиялик аралаш яккакураш устаси Артём Вахитов энди UFC'да жанг қилади.
Бу ҳақда ташкилот президенти Дана Уайт маълум қилди. У DWCS 2024 номзодлар турнирининг навбатдаги босқичи якунлангач, муддатидан олдин ғалаба қозонган барча иштирокчилар UFC билан шартномалар олишини маълум қилди.
Номзодлар турнирида ярим оғир вазн тоифасида (93 кг гача) иштирок этган Артём Вахитов ўз жангида франциялик Ислем Масрафни биринчи раунддаёқ нокаутга учратди. Россиялик спортчининг ғалабасини ҳакам гонгга 37 сония қолганида қайд этди.
Бу Вахитовнинг профессионал фаолиятидаги учинчи ғалабаси бўлди. Унинг ҳисобида битта мағлубият ҳам бор.
Қизиғи, у кикбокс қоидалари бўйича амалдаги UFC чемпиони Алекс Перейра билан икки бор тўқнаш келган. Жангларнинг бирида Перейра, иккинчисида Вахитов очколар ҳисоби ила зафар қучган.
Ҳавола :
Манба : championat.com
Фикрлар