06 дек 11:18
Янгиликлар

Ўзбек боксчисининг эҳтимолий рақиби Эррол Спенс Дэнни Гарсияга қарши жанг қилди

Техасда профессионал бокс оқшоми якунига етди.

Кечанинг марказий жангида яримўрта вазн тоифаси чемпиони Эррол Спенс Дэнни Гарсияга қарши жанг қилди.

12 раундлик жанг тўлиқ давом этди. Унга кўра ҳакамлар бир овоздан чемпион Спенснинг ғалабасини қайд этишди - 116:112, 116:112, 117:111.

Шу тариқа, Эррол Спенс ўзига тегишли IBF ва WBC камарларини ўзида сақлаб қолди.

Эслатиб ўтамиз, ушбу вазнда ўзбекистонлик Қудратилло Абдуқаҳҳоров IBF йўналишида мажбурий даъвогар ҳисобланади. Қоида бўйича Спенс навбатдаги жангини айнан Қудратиллога қарши ўтказиши лозим.