01 май 07:05
Янгиликлар

Осиё ўйинлари

Ўзбекистон 10 йил ичида илк бор ташкил этилган Осиё соҳил ўйинларини Топ-15`да якунлади

Хитойнинг Санья шаҳрида VI Осиё соҳил ўйинлари ниҳоясига етди.

Саккиз кун давом этган мусобақада Ўзбекистон делегацияси 3 та спорт тури бўйича баҳсларда қатнашди.

Якунда вакилларимиздан cоҳил енгил атлетикаси баҳсларида иштирок этган Барнохон Сайфуллаева баландликка сакраш дастурида 1.85 метр натижа қайд этиб, олтин медалга эга чиқди. Бу мусобақадаги ягона медалимиз бўлиб қолди.

Шу тариқа, Барнохоннинг медали эвазига Ўзбекистон делегацияси комплекс турнирни умумжамоа ҳисобида 14-ўринда якунлади.

Маълумот учун, Санья-2026 соҳил ўйинлари ўн йил ичида илк бор ташкил этилди. Бунгача сўнгги Осиё соҳил ўйинлари 2016 йилда Вьетнамнинг Да-Нанг шаҳрида ўтказилганди.

Кейинги Осиё соҳил ўйинлари 2028 йилда Филиппиннинг Кебу Сити шаҳрида бўлиб ўтиши белгиланди.