Ўзбекистон делегацияси Ислом бирдамлик ўйинларида қанча спортчи билан иштирок этиши маълум

Мусобақада Ўзбекистон делегацияси жами 194 нафар спортчи билан иштирок этиши маълум бўлди. Бу ҳақда мусобақа расмий сайти хабар берди.

Эслатиб ўтамиз, Ўзбекистон Конья-2021 Ислом бирдамлик ўйинларида 250 нафардан зиёд спортчи билан қатнашиб, умумжамоа ҳисобида иккинчи ўринни эгаллаганди.

Ўзбекистон спорт делегациясидаги энг кўп иштирокчимиз енгил атлетикада, аксинча энг ками дуатлон ва жиу-житсуда экан. Илк бор туя пойгасида ҳам қатнашар эканмиз. Катта эҳтимол билан туя пойгасида от спорти тури вакилларимиз, яъни чавандозларимиз стартга чиқса керак.  

Делегациямиз аъзоларининг Ар-Риёд-2025 ўйинларида спорт турлари бўйича тақсимоти:

Енгил атлетика - 37 нафар спортчи

Бокс - 8 нафар

Туя пойгаси - 4 нафар

Дуатлон - 2 нафар

От спорти - 4 нафар

Қиличбозлик - 15 нафар

Футзал - 14 нафар

Гандбол - 16 нафар

Жиу-житсу - 2 нафар

Дзюдо - 12 нафар

Каратэ - 6 нафар

Муай-тай - 6 нафар

Пара енгил атлетика - 4 нафар

Пара пауэрлифтинг - 3 нафар

Сузиш - 16 нафар

Таэквондо WT - 12 нафар

Оғир атлетика - 15 нафар

Спорт курашлари - 18 нафар.