07 сен 14:30
Янгиликлар

Паралимпия

Ўзбекистон паралимпиячиларида 10-ОЛТИН медаль!

Франция пойтахти Париж шаҳридан бугунги куннинг илк хушхабари келди.

Ўнлик довон забт этилди: Нурхон Қурбонова – Паралимпия ўйинлари чемпиони!

Париж-2024 ёзги Паралимпия ўйинларининг бугунги баҳсларини ажойиб янгилик билан бошлаймиз. Пара енгил атлетикачимиз Нурхон Қурбонова Ф54 классида найза улоқтириш баҳсларида олтин медални қўлга киритди. Янада аҳамиятлиси, юртдошимиз мусобақада 21.12 метр натижа қайд этиб, янги жаҳон рекордини ҳам ўрнатишга эришди.

Шу тариқа, делегациямиз ҳисобидаги медаллар ҳозирча 10 та олтин, 8 та кумуш ва 6 та бронзага етди.