Ўзбекистон қишки Олимпиадаларда: Нагано-1998

Мусобақа олдидан биз юртимиз спортчиларининг қишки Олимпия ўйинларидаги иштироки тарихига назар ташлаймиз.

Бундан бир неча кун олдин спортчиларимизнинг 1994 йилги Олимпиададаги иштироки ҳақида маълумотларни эътиборингизга тақдим этгандик.

Ўзбекистон қишки Олимпиадаларда: Лиллеҳаммер-1994

Бугун эса 1998 йилда Японияда ўтган "Оқ олимпиада"ги ўзбекистонлик спортчиларнинг иштироки ҳақида маълумот берамиз.

"Нагано-1998"

Ҳисоб бўйича 18-ҳисобланган "Оқ Олимпиада" 1998 йили 7-22 февраль кунлари Япониянинг Нагано шаҳрида ўтказилган. 

Турнирда Ўзбекистон номидан тўрт нафар спортчи иштирок этган:

Тоғ чанғиси: 

Комил Ўрунбоев

Фигурали учиш:

Роман Скорниаков

Татьяна Малинина

Фристайл:

Лина Черязова

Спорт байрамининг тантанали очилиш маросимида Комил Ўрунбоев терма жамоамиз байроқдори вазифасини бажарган. 

Айнан 21 ёшли Ўрунбоев ўшанда терма жамоамизнинг энг ёш спортчиси бўлган. 29 ёшли Лина Черязова эса жамоадошлари ичида ёши энг катта спортчи бўлган.

Вакилларимиз 1998 йилги Олимпиадада медаль қўлга кирита олмаганлар. Спортчиларимиз ичида энг яхши натижани фигурали учиш баҳсларида Татьяна Малинина қайд этган. Ўшанда у финал баҳсларида саккизинчи поғонани эгаллаганди. 

Азиз Тўхтамуродов