Ўзбекистон шу ойда хоккей бўйича Осиё ва Океания кубогига мезбонлик қилади

Мусобақа ўз тарихида иккинчи бор ташкил этилмоқда. Ўтган йили Мўғулистоннинг Улан-Батор шаҳрида ўтказилган дебют турнирда Ўзбекистон U18 терма жамоаси бешта ўйинннинг барчасида зафар қучиб, Кубок эгасига айланган эди.

Бу йилги чемпионатда жами 10 та терма жамоа иштирок этади.

Формат эса қуйидагича:

Иштирокчилар икки гуруҳга бўлинади. Пойтахтимиздаги "Ҳумо Арена"да бўлиб ўтадиган "А" гуруҳи доирасидаги учрашувларда Ўзбекистон, Таиланд, Эрон, Малайзия ва Қувайт ўсмирлар терма жамоалари куч синашади. Самарқандда ўтказиладиган "В" гуруҳида эса Мўғулистон, БАА, Ҳиндистон, Макао ва Индонезия ўсмирлар терма жамоалари тўқнаш келади. Жамоалар ўз гуруҳларида ўз ўринларини тақсимлаганидан сўнг, Тошкентда 9, 7, 5, 3 ва 1-ўринлар учун плей-офф ўйинлари ташкил этилади.