Ўзбекистон U-18 терма жамоаси бу сафар Туркманистонни "ер тишлатди"

III дивизионнинг Б гуруҳида иштирок этаётган ёшларимиз бу сафар Туркманистон термасига қарши музга чиқди.

Бангкок шаҳридаги (Таиланд) International Ice Hockey Arena мажмуасида бўлиб ўтган ўйинда вакилларимиз йирик 8:2 ҳисобида зафар қучди.

Бу терма жамоамизнинг мусобақа доирасидаги учинчи ғалабасига айланди. Ҳозирча хоккейчиларимиз турнир жадвалида биринчи бўлиб туришибди. Жасурбек Рустамхонов эса якка тўпурарликни давом эттиряпти (9+7).

Ўзбекистон U-18 термасининг ЖЧдаги кейинги ўйини эртага 11:00 да Босния ва Герцеговина ёшларига қарши бўлиб ўтади.

III дивизион, B гуруҳи (3- тур)

Таиланд, Бангкок.

Ўзбекистон - Туркманистон 8:2 (4:2, 3:0, 1:0)

Голлар: Рустамхонов, Ҳамитов (Туркманистон), Камолов, Попов, Дурдиев (Туркманистон), Рустамхонов, Равшанов, Дадахўжаев, Азимов, Рустамхонов.