02 сен 18:28
Янгиликлар

Бокс/ММА

Ўзбекистонлик ММАчи Абдулманап Нурмагомедов хотирасига бағишланган турнирда жанг қилади + ПОСТЕР

9 сентябрь куни Москва шаҳридаги Бадиий гимнастика марказида таниқли мураббий Абдулманап Нурмагомедов хотирасига бағишланган ММА кечаси ташкил этилади.

FIGHT NIGHTS GLOBAL ва GORILLA FIGHTING CHAMPIONSHIP ҳомийлиги асосида ташкил этиладиган мазкур турнирда кўзга кўринган якка кураш усталари ғолиблик учун октагонга тушишади.

Ушбу кечанинг марказий жангида Даурен Ермеков - Владимир Минеев билан ўрта вазн тоифасида FNG чемпионлик камари учун жанг олиб боради.

Шунингдек бу жанг кечасида ҳамюртимиз Мирношох Жафаров -77 кг вазн тоифасида россиялик Гела Беридзега қарши баҳс олиб боради. Бухоролик спортчи, "Амир Темур" клуби аъзоси Мироншох қўл жанги бўйича бир неча бор Ўзбекистон чемпиони ва халқаро турнирлар ғолиби бўлган. R-1 профессионал йўналиши бўйича кўп карра ғолиб. Унинг ММАдаги рекорди 3:0 ни ташкил этади.

Мазкур жанг оқшоми 9 сентябрь куни соат 18:00 (Тошкент вақти билан 20:00)да бошланади.

Жангларни Матч ТВ, Хабар, DAZN, Fight Network, KazTelecom каналлари орқали жонли трансляция қилиш режалаштирилган.