22 авг 13:41
Янгиликлар

Бокс/ММА

Ўзбекистонлик спортчи Австрияда Хамзат Чимаевнинг жамоадоши билан жанг қилади

7 октябрь куни Австрияда ММА бўйича Sparta Championship Fighting лигасининг навбатдаги мусобақаси ўтказилади.

Аҳамиятлиси, мазкур мусобақа доирасида энг енгил вазн тоифасида ўзбекистонлик аралаш яккакураш устаси Баҳромжон Рўзиев (3-0) ҳам октагонга чиқади. Унинг рақиби анча жиддий. Баҳромжонга ўша куни швециялик UFC жангчиси Хамзат Чимаевнинг жамоадоши, Швеция вакили Билал Тепсаев (5-2-1) рақиблик қилади.

Эслатиб ўтамиз, Баҳромжон Рўзиев сўнгги жангини жорий йилнинг 15 март куни Centurion FC турнирида ливанлик Муҳамед Мамдуҳга (4-2) қарши ўтказиб, муддатидан олдин ғалаба қозонган эди. 24 ёшли Билал Тепсаев эса охирги бор 1 июль куни AFN 1 турнирида бразилиялик Лукас Перейрадан (4-6) устун келган эди.