22 май 10:10
Янгиликлар

Велоспорт

Ўзбекистонлик велопойгачилар Эронда умумжамоа ҳисобида биринчи бўлишди

Эронда велоспорт бўйича "Tour of Marand" кўпкунлик халқаро мусобақаси бўлиб ўтди.

Унда Ўзбекистон терма жамоаси велоспортчилари муваффақиятли иштирок этишди. Тўрт босқичда бўлиб ўтган мусобақалар натижасига кўра Ўзбекистон ёшлар терма жамоаси умумжамоа ҳисобида биринчи ўринни эгаллади. Бирничи босқичда Никита Цветков биринчи, Диёр Тохиров иккинчи ўринни банд этди.

Иккинчи босқичда Цветков маррага яна биринчи бўлиб етиб келди. Учинчи босқичда ҳам унга тенг келадиган рақиб топилмади. Диёр Тохиров бу сафар учинчи бўлди. Умумий хисобда 4 босқичли турнир якунида терма жамоамиз аъзоси Никита Цветков мутлақ ғолиб деб топилди. Диёр Тохиров иккинчи ўринни банд этди.