29 сен 14:45
Янгиликлар

Бокс/ММА

Пакьяо таъсирли тарзда мухлислари билан хайрлашди

Теглар : Пакьяо

Афсонавий филиппинлик боксчи Мэнни Пакьяо бир неча кун олдин боксдан кетганини эълон қилганди.

42 ёшли боксчи ижтимоий тармоқдаги саҳифаси орқали мухлислари билан хайрлашди.

"Энг буюк спортнинг энг буюк мухлисларига раҳмат. Ёрқин лаҳзалар учун раҳмат.

Бу мен қабул қилган қарорларнинг энг қийинларидан бири бўлди, аммо бунга кўндим. Орзуларингизга эргашинг, қаттиқ ишланг ва нималар бўлаётганини кўринг. Ҳайр, бокс", - деб ёзди Пакьяо Твиттердаги саҳифасига.

Эслатиб ўтамиз, Пакьяо профессионал фаолияти давомида 62 та ғалабага эришган (39 нокаут), 8 та жангда мағлуб бўлган ва 2 марта дуранг қайд этган. У тарихда саккиз вазн тоифасида жаҳон чемпиони бўлган ягона боксчидир.

Аввалроқ, Пакьяо Филиппин президенти бўлиш учун сайловда қатнашиши ҳақида хабар қилинганди.

Ҳавола :

Манба : twitter.com/MannyPacquiao

Рейтинг: +1