06 авг 13:08
Янгиликлар

Теннис

Palermo Ladies Open. Плишковада мағлубият

Италиянинг Палермо шаҳри мезбонлик қилаётган рестартдан кейинги илк WTA турнири ўзининг қизғин палласига кириб бормоқда.

Кутилмаганда сайёрамизнинг 69-ракеткаси Кристина Плишкова иккинчи давра учрашувида мағлубият аламини тотиб кўрди. Чехиялик теннис маликаси рейтингнинг 167-поғонасидан жой олиб турган италиялик Сара Эрранига 6/3, 4/6, 3/6 ҳисобида ютқазиб қўйди.

Учрашув 2 соату 1 дақиқа давом этган. Бу вақт оралиғида 28 ёшли Плишкова 7 та эйс зарбани амалга оширди. 33 яшар Эррани эса бу кўрсаткич нолни ташкил этди. Бу теннисчиларнинг ўзаро илк учрашуви эди. Энди Эррани Palermo Ladies Open турнирининг чорак финалида франциялик Фиона Феррога қарши кортга чиқади.