Пара дзюдо. Анталия Гран-Присини 4 та медаль билан якунладик, 3 таси олтин!

Мусобақанинг сўнгги куни терма жамоамизнинг икки аъзоси шоҳсупага кўтарилди. Жумладан, эркаклар ўртасида J2 классида курашган -90 кг вазн тоифасидаги пара дзюдочимиз Довурхон Кароматов олтин, +90 кг вазнги Аловиддин Жўрақулов эса бронза медалини делегациямиз ҳисобига қўшиб қўйди. 

Эслатиб ўтамиз, Гран-Прининг дастлабки куни пара дзюдочимиз – Шерзод Намозов ва Учқун Қуронбоев 2 та олтин медалга сазовор бўлган эди. Шу тариқа терма жамоамиз аъзолари Анталиядаги турнирни 3 та олтин ва 1 та бронза медали билан якунлашди.