Париж "Мастерс" бош соврини ва 1 000 000 АҚШ доллари кимга насиб этди?

Ҳал қилувчи финал учрашувида дунёнинг иккинчи ракеткаси, италиялик Янник Синнер ATP рейтингида учинчи ўринни эгаллаб турган канадалик Феликс Оже-Альяссимга қарши кортга чиқди. Бир соату 52 дақиқа давом этган баҳсда Cиннер қийинчилик билан ғалаба қозонди - 6/4, 7/6(4). Теннисчиларнинг ўзаро учрашуви ҳисобида Янник олдига чиқиб олди - 3:2.

Учрашув статистикаси:

Янник Синнер - 6 та эйс, 2 та қўшхато, 1 та брейк

Оже-Альяссим - 8 та эйс, 2 та қўшхато, брейкни амалга ошира олмади

Шу тариқа, Синнер фаолиятидаги бешинчи "Мастерс" чемпионлигини қўлга киритди. У 1000 рейтинг очкоси ҳамда 946 610 евро мукофот пулига ҳам эга чиқди. Оже-Альяссим эса 650 очко ҳамда 516 925 € ишлаб олди. Бу Янник учун мавсумдаги бешинчи, фаолиятидаги 23-соврин бўлди. Бу йил қўлга киритилган титуллар бўйича у қозоғистонлик Александр Бублик (4)ни ортда қолдирди. 2025 йилда 8 та соврин ютиб улгургун Карлосу Алькарас бу борада пешқадам. 

Италиялик ёпиқ кортда кетма-кет 26-ўйинда ғалаба қозонди. Бу Очиқ эрадаги олтинчи ғалабали серия бўлиб, фақат Жон Макинрой (47), Новак Жокович (35), Рожер Федерер (33, 29) ва Иван Лендл (32) ёпиқ кортда кетма-кет кўпроқ ғалаба қозонган.