Париж "Мастерс". Янник Синнер 1/2 финалда Зверевни сочиб ташлади

Дунёнинг иккинчи ракеткаси Янник Синнер финал остонасидаги учрашувда осон ғалабага эришди. Италиялик теннисчи 1/2 финалда ATP рейтингида учинчи ўринни эгаллаб турган германиялик Александр Зверевни деярли сезмади - 6/0, 6/1.

Янник теннисчиларнинг ўзаро учрашувлари ҳисобида олдинга чиқиб олди - 5:4. Олтмиш икки дақиқа давом этган баҳсда Синнер 8, Зверев 2 та эйс зарбасини амалга оширди. Иккала теннисчи қўшхатога йўл қўймади. Брейклар бўйича мутлақ устунлик ғолиб теннисчи томонда бўлди - 6 га 0.