Париждаги Bellator турнирининг марказий жанги маълум

Оғир вазн тоифасида амалдаги чемпион Райан Бейдер франциялик даъвогар Чейк Конгога қарши октагонга кўтариладиган бўлди. Америкалик чемпион кеча тонгда АҚШнинг Финикс шаҳрида ўтказилган Bellator 273 турнирининг марказий жангида россиялик вақтинчалик камар соҳиби Валентин Молдавскини очколар ҳисобига кўра таслим этган эди. 

Энди Бейдер Bellator чемпионлик камарини 6 май куни Париж шаҳрида ўтказиладиган турнирда мезбонлар вакили Чейк Конгодан ҳимоя қилади. Ушбу чемпионлик жанги расман тасдиқланди. Бу реванш жанги мақомида бўлади. 

Илк жанг 2019 йилнинг сентябрь ойида бўлиб ўтганди. Ўшанда Чейк Конго Райан Бейдердан чемпионлик камарини тортиб олишга уриниб кўрганди. Лекин биринчи рауднинг ўзида кўзидан жароҳат олиб, жангни давом эттира олмаган эди. Ташкилотчилар эса жангни ўтказилмаган деб топишганди.