08 май 07:42
Янгиликлар

Теннис

Плишкова Мадриддаги иштирокини якунлади

Дунёнинг бешинчи ракеткаси Каролин Плишкова Мадридда давом этаётган нуфузли турнирда мағлубият аламини тотиб кўрди.

Чехиялик теннис маликаси иккинчи давра учрашувида украиналик Катерина Козловага қарши кортга чиқди. Бир соату 51 дақиқа давом этган баҳсда WTA рейтингида 85-поғонани эгаллаб турган Козлова 7/5, 2/6, 6/4 ҳисобида зафар қучди.

Эътиборлиси, 25 ёшли Катерина учрашув давомида 14 та эйс зарбасини амалга оширишга муваффақ бўлди. Бу теннисчиларнинг ўзаро илк тўқнашуви эди. Энди Козлова Mutua Madrid Open турнирининг учинчи даврасида швейцариялик Белинда Бенчичга қарши кортга чиқади.