11 апр 15:56
Янгиликлар

Теннис

Полина Кудерметова финал остонасида уч сетлик учрашув ўтказди

Испаниянинг Мадрид шаҳрида теннис бўйича аёллар ўртасида WTA 125 тоифасига кирувчи турнири давом этмоқда.

Хабар берганимиздек, ушбу мусобақада мамлакатимизнинг иккинчи ракеткаси Полина Кудерметова ҳам муваффақиятли иштирок этаётганди. Афсуски, вакиламиз ҳозиргина якунига етган 1/2 финал баҳсида аламли мағлубиятни қабул қилиб олди. Полина 101 дақиқа давом этган баҳсда италиялик Лиса Пигатога уч сет натижасига кўра имкониятни бой бериб қўйди — 0/6, 6/2, 1/6.

Таққослаш учун, Кудерметова айни пайтда WTA рейтингида 151, Пигато 189-ўрини эгаллаб турибди. Бугунги учрашувда Полина 4, Лиса 2 та эйс зарбасини амалга оширди. Қўшхатолар италияликда кўпроқ бўлди - 4 га 3. Бу теннисчиларнинг ўзаро учинчи учрашуви бўлди - 2:1. Пигато Кудерметовани илк бор мағлуб этди.