15 апр 12:23
Янгиликлар

Теннис

Полона Херцог Луганода тенгсиз бўлди!

Сайёрамизнинг 89-ракеткаси Полона Херцог Швейцариянинг Лугано шаҳрида якунланган турнир ғолибасига айланди.

Словениялик теннисчи финал учрашувида польшалик Ига Свёнтекка қарши кортга чиқди. WTA рейтингида 115-ўринни эгаллаб турган 17 ёшли Свёнтек турнир кашфиётига айланди.

Икки соату 16 дақиқа давом этган финал баҳсида 28 ёшли Херцог тажрибаси эвазига 6/3, 3/6, 6/3 ҳисобида ғалаба қозониб, бош мукофотни боши узра баланд кўтарди. Samsung Open турниридаги ғалаба Херцогга 280 рейтинг очкоси ҳамда 43 000 доллар мукофот пули келтирди.