06 мар 12:38
Янгиликлар

Теннис

Потапова Монтеррейда ўзидан кучли рақибасини енгди

Мексиканинг Монтеррей шаҳрида теннис бўйича WTA турнири ўтказилмоқда.

Сайёрамизнинг 89-ракеткаси Анастасия Потапова мусобақанинг чорак финалига йўл олди. Россиялик теннисчи 2 соату 4 дақиқа давом этган баҳсда рейтингда ўзидан 18 поғона юқорида турган словениялик Тамара Зиданшекдан устун келди - 1/6, 7/6(3), 6/1.

18 ёшли Потапова 5, 22 яшар Зиданшек эса 1 та эйс зарбасини амалга оширди. Бу теннисчиларнинг ўзаро иккинчи учрашуви бўлди - 1:1. Россиялик теннисчи Abierto GNP Seguros турнирининг 1/4 финалида германиялик Татьяна Мария ҳамда британиялик Йоханна Конта учрашуви ғолибига қарши кортга чиқади.