Пойтахтимиз Халқаро қиличбозлик федерацияси конгрессини ўтказишга тайёр

FIE томонидан ташкил этиладиган мазкур конгрессда ташкилотнинг президентлиги учун сайлов, қиличбозлик спорт турининг халқаро майдондаги ривожи, ўтказилган нуфузли мусобақалардаги ютуқ ва камчиликлар ҳамда келгуси йилдаги чемпионат ва турнирларни ўтказиш борасидаги масалалар таҳлил этилади. 

Энг асосийси, кейинги тўрт йиллик муддат учун Халқаро қиличбозлик федерацияси (FIE) президентлиги учун сайловларда муносиб номзодларни аниқлаш бўлади. Ҳозирда FIE президентлиги вазифасида грециялик Манолис Кациадакис фаолият юритмоқда.

Маълумот ўрнида:  2022 йил март ойида Европа Иттифоқи томонидан киритилган санкциялар туфайли ўз ваколатларини тўхтатган Алишер Усмонов ташкилотга раҳбар бўлиш учун асосий даъвогарлардан деб ҳисобланмоқда. А.Усмонов номзодини Россия, Беларусь, Сербия ва Хитой қатори 103 мамлакатнинг миллий федерациялари қўллаб-қувватлаган.

Шуни таъкидлаб ўтишимиз лозимки, Алишер Усмонов 2008-2022 йиллар давомида Халқаро қиличбозлик федерациясини бошқарган.