16 авг 14:18
Янгиликлар

Теннис

Prague Open. Симона Халеп иккинчи финалчи!

Хабар берганимиздек, Чехиянинг Прага шаҳрида WTA турнири бўлиб ўтмоқда.

Элизе Мертенсдан сўнг дунёнинг иккинчи ракеткаси бўлиб турган Симона Халеп ҳам Prague Open турнирининг ҳал қилувчи финал учрашувига йўл олди.

Руминиялик теннис маликаси 91 дақиқа давом этган 1/2 финал баҳсида рейтингнинг 82-поғонасидан жой олган ватандоши Ирина-Камелия Бегуни 7/6(2), 6/3 ҳисобида мағлубиятга учратди. Энди 28 ёшли Халеп бош соврин учун баҳсда бельгиялик Элизе Мертенсга қарши кортга чиқади.